Escépticos no Pub Compostela

A xornalista, divulgadora científica e sexóloga Laura Veiga falará do tabú menstrual el venres 26 de abril, ás 20:30 horas, no café Airas Nunes (Rúa do Vilar, 17) 

O 26 de abril volvemos cunha nova charla escéptica na que a xornalista, divulgadora científica e sexóloga Laura Veiga (@pingando.gal) falaranos do tabú menstrual na súa charla «Un percorrido polo tabú menstrual»

Un percorrido polo tabú menstrual é un intento de análise dos factores que inflúen neste tabú, recollendo perspectivas históricas, relixiosas, artísticas e demais ata chegar a (preocupante) situación actual no que respecta á educación menstrual e o seu poder reivindicativo. Laura Veiga é xornalista, divulgadora científica e sexóloga. Ademais de colaborar en diversos medios de comunicación, leva desde finais de 2020 divulgando a través das redes sociais co seu proxecto @pingando.gal así como en colexios, asociacións e universidades, co obxectivo de derrubar mitos e tabúes.Sobre Escépticos no Pub Compostela 

Sobre Escépticos no Pub Compostela

Santiago foi a segunda cidade de España na que se iniciaron estas charlas nos bares. Comenzaron no ano 2010, e desde entón pasaron por este ciclo, que xa suma case 70 sesións, figuras relevantes como o biólogo Juan Ignacio Pérez, a matemática Clara Grima ou a psicóloga e sexóloga Laura Morán. En 2023, o ciclo inaugurouse coa sesión da divulgadora Ana J. Cáceres (@mylestring), Todo o que deberías preguntar sobre os zoos. Para este curso están previstas sete charlas, que terán lugar no último venres de cada mes.